Nun pequeno pobo, unha muller levou unha gran sorpresa ao ver que chamar á súa porta un estraño, correctamente vestido, que lle pedía algo para comer.
· Síntoo, dixo ela, pero agora mesmo non teño nada en casa.
· Non se preocupe, dixo amablemente o estraño. Teño unha pedra de sopa na miña carteira; se vostede me permitise botala nunha pota de auga fervendo, eu faría a máis exquisita sopa do mundo. Un puchero moi grande, por favor.
Á muller picoulle a curiosidade, puxo a pota ao lume e foi a contar o segredo da pedra de sopa ás súas veciñas. Cando a auga rompeu a ferver, toda a veciñanza reuniuse alí para ver a aquel estraño e a súa pedra de sopa.
O estraño deixou caer a pedra na auga, logo probou unha culleiradiña con verdadeira delectación e exclamou:
· Deliciosa! O único que necesita é unhas poucas patacas.?
· Eu teño patacas na miña cociña!, gritou unha muller. E en poucos minutos estaba de volta cun cesto de patacas peladas que foron dereitas á pota.
O estraño volveu probar o brebaxe.
· Excelente!, dixo; e engadiu pensativamente:
· Se tivésemos un pouco de carne, fariamos un cocido en sumo grao apetitoso....
Outra ama de casa saíu zumbando e regresou cun pedazo de carne que o estraño, tras aceptalo cortesmente, introduciu na pota.
Cando volveu probar o caldo, puxo os ollos en branco e dixo:
· Ah, que saboroso! Se tivésemos unhas cantas verduras, sería perfecto, absolutamente perfecto...
Unha das veciñas foi correndo ata a súa casa e volveu cunha cesta chea de cebolas, xudía, chícharos e cenoias.
Logo de introducir as verduras na pota, o estraño probou novamente o guiso e, con ton autoritario, dixo
· O sal!
· Aquí ten, díxolle a dona da casa.
A continuación deu orde:
· Pratos para todo o mundo.
A xente apresurouse a ir ás súas casas en busca de pratos. Algúns regresaron traendo ata pan e froitas. Logo sentaron a gozar da espléndida comida, mentres o estraño repartía abundantes racións da súa incrible sopa.
Todos sse entían estrañamente felices e mentres rían, charlaban e compartían por primeira vez a súa comida. No medio do alborozo, o estraño se escapuliuse silenciosamente, deixando tras de si a milagrosa pedra de sopa, que eles poderían usar sempre que quixesen facer, para compartir, a máis deliciosa sopa do mundo.
miércoles, 19 de enero de 2011
Suscribirse a:
Enviar comentarios (Atom)
No hay comentarios:
Publicar un comentario